ARRSH informon mbi gjendjen aktuale të akseve kryesore në të gjithë vendin pas reshjeve të shiut e të borës!

Autoriteti Rrugor Shqiptar njofton se gjatë natës ka pasur reshje shiu me intensitet mesatar pa shkaktuar probleme në qarkullimin e mjeteve.

Sipas njoftimit kontraktorët kanë qenë në terren ku kanë bërë pastrimin e akseve nga rënia e gurëve apo inerteve si në: Qafë Mali-Fierzë, Sopot-Kam, Koplik-Bogë, Dedaj-Razëm, Gramsh-Kodovajt dhe në zonën e Poçemit.

ARRSH informon se në Valbonë, në Qafën e Qarrit, në Dardhë dhe në Voskopojë ka pasur reshje bore por aktualisht rrugët janë të hapura dhe qarkullimi vazhdon pa probleme ndërsa u bën apel drejtuesve të mjeteve që të jenë të pajisur me goma dimërore dhe zinxhirë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.