Arsimi profesional, Rama: Në 10 vite 250 mijë të punësuar në sektorin e turizmit
Në 10 vitet e ardhshme numri i të punësuar sipas projeksioneve parashikon 250 mijë të punësuar në sektorin e turizmit. Këtë deklaroi kryeministri Edi Rama nga një kompleks turistik në zonën e plazhit në qytetin e Durrësit, ku u takua me disa të rinj të punësuar nga arsimi profesional. Rama tha se për të arritur këto objektiva duhet më shumë investime, më shumë të rinj me arsim profesional.
“Në tregun tonë të punës, ka shumë vende të lira pune në çdo kompani të të gjitha llojeve, për të gjitha profesionet. Puna kërkohet, për ta gjetur është mundim më vete. Në vendet e huaj bën mbi 100 aplikime dhe mbi 35 intervista pune. Turizmi ka pasur 42 mijë të punësuar vjet, sot projeksioneve ndërkombëtare por edhe tonave synojmë që në 10 vitet e ardhshme të shkoj në 250 mijë të punësuar në sektorin e turizmit.
Vetëm në 3 mujorin e parë kemi patur 12 % rrije të turistëve. Brenda 5 viteve do të arrijmë 10 milionë turist. Dhe kjo % do ti kalojë 15, por duhen investime. Fluksi i ri i turistëve nga vendet ndordike tregon se Shqipëria është krejt e kundërta e asaj që e pikturojmë disa nga ne. Turistët jo vetëm vijnë por edhe rikthehen. Por ne duhet të bëjmë shumë më tepër për forcimin e sektorit të turizmit. Stimuli tjetër është për të ndërtuar hotele me 4 dhe 5 yje. Kemi një rritje të konsiderueshme të kompanive të huaj për të ndërtuar hotele në Shqipëri”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.