Artistët “Rilindas”,si krijimtaria e tyre po kthehet në terapi për prindërit që kanë humbur një fëmijë
Humbja e një fëmije është një ngjarje tepër e dhimbshme për të gjithë por sidomos për prindërit.
Pavarësisht faktit që është gati e pamundur për t’u mposhtur si dhimbje , një komunitet i ngritur për rehabilitimin e prindërve që përballen me një situatë të tillë është duke menduar një mënyrë për ta bërë më të thjeshtë.
Artistë të ndryshëm po praktikojnë “kukullat e rilindura”, të cilat janë shumë të ngjashme me fëmijët,madje pesha e tyre është llogaritur të arrijë atë të një foshnje të vërtetë.
Sipas psikologëve përqafimi i një kukulle mund të sjellë rehati për prindërit që kanë humbur një fëmijë si dhe të arrijë të mpijë për pak kohës dhimbjen.
Ato mund t’i ndihmojnë vërtet prindërit në luftën e tyre për të kapërcyer traumën e humbjes së një fëmije dhe për t’i ndihmuar t’i kalojnë ata në të tilla rrethana. Ndër të tjera ndihmon edhe në uljen e depresionit.
Kukullat zakonisht krijohen me silikon, për të arritur një ndjenjë të gjallë të lëkurës njerëzore.Artistët ose të njohur ndryshe “Rilindasit” e punojnë me shumë kujdes e përkushtim silikonin në mënyrë që ta bëjnë atë sa më reale.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.