Arvin Kita në ‘’Argument’’ për sigurinë ushqimore: ”Problem thelbësor është cilësia e ujit që përdorim- Analiza e ujit duhet të kryhet minimalisht një herë në gjashtë muaj!’

Restoratori Arvin Kita, ishte i ftuar të hënën në mbrëmje në ‘’Argument’’ për të diskutuar rreth sigurisë ushqimore. Si një administrator i një restoranti mjaft të njohur në kryeqytet, dhe njëkohësisht si një hallkë lidhëse mes konsumatorit dhe ushqimit ai shprehet se për të siguria e ushqimit është siguri kombëtare,.

‘’ Siguria e ushqimit është tepër e rëndësishme, madje ajo është dhe një nga 5 kriteret e anëtarësimit në Bashkimin Europian. Zgjidhja e problemit të sigurisë ushqimore, nuk konsiston vetëm tek sensibilizimi i tregtarit por është një zinxhir i gjatë, që duhet kapur që nga fillimi. Duhet të fillojnë kontrollet që është tek importi, pra duhet të jemi të kujdesshëm në prejardhjen e udhqimit.

Gjithashtu, restoratori Kita thekson se një nga problemet thelbësore është cilësia e ujit që përdorim. Sipas tij njerëzit nuk janë sensibilizuar sesa i rendësishëm është dezifektimi i vetë ujit apo dhe depozitave në të cilat ai mbahet, pasi neglizhenca e këtij procesi prodhon mikrobe që ndikojnë drejtëpërdrejt në cilësinë e ujit, dhe rrjedhimit edhe në shëndetin e konsumatorit. Ai cilësoi se analiza e ujit duhet të kryhet minimalisht një herë në gjashtë muaj.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.