As kriza ekonomike dhe as punëtorët në protestë nuk e lëkundin Jeff Bezos – Shpallet personi më i pasur në botë për të tretin vit radhazi!

Ndërsa 10 milion amerikanë po aplikojnë si të papunë dhe ekonomia po shkatërrohet prej pandemisë së Koronavirusit, një aspekt i jetës amerikane është dëshmuar i palëkundshëm: pasuria absolutisht mahnitëse e Drejtorit të Përgjithshëm të Amazon.com, Jeff Bezos.

Për të tretin vit radhazi, Bezos ka fituar vendin e parë në listën e miliarderëve të Forbes. Megjithë divorcin e tij prej 40 miliardë dollarësh, një faktor kontribues në uljen e 18 miliardë dollarëve në vlerën e tij neto vitin e kaluar, duke e ulur atë në 113 miliardë dollarë, Jeff Bezos është ende njeriu në krye të listës.

Pak më shumë se gjysma e miliarderëve të botës kanë humbur para për shkak të virusit, duke humbur kolektivisht 700 miliardë dollarë që nga viti 2019. Duke marrë parasysh humbjet e tyre, këtë vit miliarderët vlejnë vetëm 8 trilion dollarë.

Ndërsa Bezos gëzon majën e piramidës, njerëzit që në të vërtetë realizojnë fitimin për kompaninë e tij kanë protestuar kundër asaj që ata pretendojnë se është ndërmarrja që “vlerëson fitimin mbi sigurinë”. Nga ana e saj, Amazon ka ri-prioritizuar transportin e saj, duke u siguruar që mallrat “thelbësore” të dërgohen së pari. Punëtorët që bëjnë ato dërgesa të mundshme janë për momentin në revoltë kundër kompanisë.(TheIndependent)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.