Asambleja e OKB, Rama: Prioriteti ynë, integrimi në BE. Presim që partnerët të çelin negociatat
Prioritet i Shqipërisë është integrimi në Bashkimin Europian, deklaroi kryeministri Edi Rama gjatë fjalës së tij në sesionin e 72 të Asamblesë së Përgjithshme të OKB.
“Një nga prioritetet kombëtare të shtetit tim është integrimi në Bashkimin Europian. Ky nuk është vetëm një objektiv i politikës tonë të jashtme, nuk është thjesht një marrëdhënie kontraktuale e zakonshme integrimi europian për ne qëndron në zemrën e zhvillimit tonë të përgjithshëm, pasi prek çdo qelizë të arkitekturës tonë të zhvillimit. Ne jemi plotësisht të vetëdijshëm se është pikë së pari angazhimi ynë dhe aftësia jonë për të bërë reformat e nevojshme që do të përcaktojë shpejtësinë e anëtarësimit në BE. Ne duam të masim progresin tonë dhe me rezultate dhe reforma, siç është reforma e drejtësisë. Ne presim që partnerët tanë të Bashkimit Europian të bëjnë pjesën e tyre dhe të hapin rrugën drejt çeljes së bisedimeve për anëtarësimin. Ky do të jetë një moment historik dhe inkurajim për ne për të ecur përpara. Në shpresojmë që në BE pavarësisht krizën aktuale, procesi i zgjerimit është në katalizatori më i mirë europian.”
Duke u ndalur tek ekonomia e vendit Rama ritheksoi se deri ne 2020 do të jetë 5%. Nga ana tjetër kreu i qeverisë tha se një zonë e lirë ekonomike rajonale do të forconte Ballkanin.
“Pak muaj më parë në qytetarët e Shqipërisë më vendosën në krye të qeverisë, zgjodhën programin tim. Synimi ynë është të rrisim ekonomin të paktën 5 %, çka do të arrihet deri në 2020. Zhvillimi i bashkimit rajonal dhe transformimi i Ballkanit perëndimor në një zonë të lëvizjes së lirë njerëzve mallrave, kapitaleve dhe ideve, në dobinë e të gjithë atyre që jetojnë këtu. Kjo mbetet një nga shtyllat kryesore të politikës tonë të jashtme Zona ekonomike rajonale do të rris ekonominë. Bashkimi Europian ka nevojë për një Ballkan më të fortë”.
Kryeministri u ndal edhe tek njohja e Kosovës, duke deklaruar se ka rëndësi thelbësore, pasi kontribuon drejtpërdrejt në cilësinë e qytetarëve të saj.
“Ne besojmë se pranimi i Kosovës në çdo institucion rajonal me të drejta të barabarta po ashtu si vendet e tjera është me rëndësi thelbësore. Ka pasur nga ata që e kanë përdorur këtë foltore për të shprehur shqetësimin dhe frikën se pavarësia e Kosovës do të çlirojë disa forca të errëta që askush nuk do të jetë në gjendje ti kontrollojë. Ne nuk kemi parë asgjë nga kjo, përkundrazi çfarë ka ndodhur realisht është se kosovarët në Kosovë dhe në Shqipëri dhe serbët, dikur të kërcënuar me shfarosje nga një regjim brutal, tani janë të lirë që jetojnë në një vend demokratik”.
Rama shprehu gatishmërinë e vendin në platformën e sigurisë dhe mbrojtjes që çdo njëri në botë të jetojë i sigurt.
“Ne mirëpresim vëmendjen e shtuar që iu është dhënë organizatave rajonale në çështjet e sigurisë. Në këtë aspekt ne vlerësojmë dhe mirëpresim bashkëpunim më të ngushta midis organizatës së kombeve të bashkuara dhe BE në platformën e përbashkët të sigurisë dhe mbrojtjes. Në të gjithë botën njerëzit duan të jenë të sigurt, të çliruar nga dhuna, shtypja, persekutimi dhe frika”.
ERTV Live?: Fjala e Shqipërisë në sesionin e 72-të Asamblesë së Përgjithshme të OKB ??
Posted by Edi Rama on Friday, September 22, 2017
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.