Asnjë viktimë nga Covid-19, MSH: Gjatë 24 orëve u prekën 134 persona dhe u shëruan 100 të tjerë
Gjatë 24 orëve të fundit nuk është regjistruar asnjë viktimë nga Covid-17, ndërsa kanë rezultuar pozitivë 134 persona. Në përditësimin e të dhënave, Ministria e Shëndetësisë njofton se janë shëruar 100 persona.
“Ju informojmë për situatën epidemiologjike në 24 orët e fundit. Nuk është shënuar asnjë humbje jete në 24 orët e fundit, ndërsa numri i të shtruarve në spital vijon të jetë i qëndrueshëm. Aktualisht në spitalin Infektiv dhe “Shefqet Ndroqi” po trajtohen 186 pacientë, 16 në terapi intensive, nga të cilët 5 pacientë janë të intubuar. Vijojnë testimet dhe gjurmimi i rasteve të dyshuara në të gjithë vendin. Në 24 orët e fundit janë kryer 852 testime ku 100 qytetarë rezultojnë të shëruar duke e çuar në 7239 numrin e personave që e kanë mundur COVID-19”.
Flutura Beqo nga Ministria e Shëndetësisë bën apel për të pasur kujdes në zbatimin e masave kundër COVID-19, për të parandaluar përhapjen e këtij infeksioni.
“Ruani distancën fizike, lani shpesh duart, përdorni maska ose barriera mbrojtëse në ambiente të mbyllura dhe kudo ku nuk është e mundur të ruhet distanca, dezinfektoni objektet dhe ajrosni ambientet ku qëndroni. Ju lutemi mos e ulni vigjilencën, virusi është ende mes nesh dhe ne mund ta mposhtim atë vetëm nëse zbatojmë çdo ditë rregullat e vendosura, si armët e vetme në betejën me SARSCOV2”.
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.