AstraZeneca si dozë e tretë / Studimi tregon se është shumë efektive. E fortë kundër varianteve të reja
Vaksina e Covid-19 e AstraZeneca dhe Universitetit të Oksfordit është efektive si një dozë e tretë nxitëse, duke përshpejtuar antitrupat kundër proteinës gjemb të koronavirusit tek pjesëmarrësit në studim. Lajmërimi vjen ndërkohë që prodhuesit e vaksinave në botë kanë paralajmëruar se do të duhet një vaksinë nxitëse vjetore, apo vaksina të reja, për të trajtuar variantet e koronavirusit, pavarësisht se disa shkencëtarë dyshojnë mbi nevojën e këtyre dozave. E përditshmja Financial Times citoi një person me njohuri mbi rezultatet e studimit, që thoshte se reagimi i antitrupave ndaj vaksinës nxitëse ishte i fortë mjaftueshëm për të gjithë variantet. Prodhuesit e vaksinave përdorin një teknologji të re që përdor një version të modifikuar të adenoviruseve, që shkakton të gripin e zakonshëm, si një vektor për të transportuar udhëzime tek qelizat njerëzore. Ky model solli shqetësime tek shkencëtarët se dozat mund të humbasin fuqi nëse injektimet vjetore bëhen të nevojshme për variantet e reja. Nuk është ende e ditur se kur AstraZeneca dhe Universiteti i Oksfordit planifikojnë të publikojnë të dhënat. Bashkimi Europian ka nënshkruar një kontratë të re këtë muaj për 1.8 miliardë doza të Pfizer me BioNtech, për të mbuluar dozat nxitëse.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.