Astronautët kthehen me sukses nga ISS – Kapsula e SpaceX-NASA “zbarkon” e sigurtë në bregun e Floridas
Katër astronaut brenda kapsulës Crew Dragon të SpaceX kanë zbarkuar në mënyrë të sigurtë në Gjirin e Meksikës, pranë bregut të Floridas, duke përfunduar një mision 6-mujor të NASA tek Stacioni Ndërkombëtar i Hapësirës dhe një fluturim 1-ditorë për në shtëpi. Kapsula Dragon zbriti me parashutë në det si ç’planifikohej, në mbrëmjen e së Hënës, pas një hyrjeje të zjarrtë në atmosferën e Tokës, të transmetuar live nga NASA. Video live e imazheve termike, shfaqi kapsulën që hynte si meteor në qiellin gjatë natës mbi Gjirin e Meksikës, disa minuta përpara zbarkimit.
Duartrokitjet dëgjoheshin nga qendra e kontrollit të fluturimit, pasi 4 parashutat kryesore u frynë sipër kapsulës, duke ngadalësuar shpetjësinë në rreth 24 kilometra në orë, përpara se të bënte butësisht kontakt me detin e qetë.
Ekuipazhi, që ka kaluar 199 ditë në hapësirë gjatë misionit, përbëhej nga 2 astronautë të NASA, drejtuesi i misionit Shane Kimbrough, 54 vjeç dhe pilotja Megan McArthur 50-vjeç, së bashku me astronautin japonez Akihido Hishide 52-vjeç dhe specialisti i misionit Thomas Psquet, 43 vjeç, një inxhinier francez nga Agjencia Europiane e Hapësirës. Aty u ngritën në orbitë me raketën Falcon 9 të SpaceX më 23 Prill, nga Qendra Hapësinore Kennedy në Florida. Ky ishte dhe ekuipazhi i tretë i dërguar në orbitë nën partneritetin Publik-Privat të NASA me SpaceX, kompaninë e formuar në vitin 2002 nga miliarderi Elon Musk.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.