Austria i vjen në ndihmë Shqipërisë – Dërgon 2 mijë pako me doreza dhe rreth 4 mijë litra dezinfektant mjekësor

Ministrja e Mbrojtjes Olta Xhaçka ka njoftuar në faqen e saj zyrtare se pavarësisht vështirësive që COVID-19 ka krijuar në thuajse të gjithë botën, aleatët e partnerët i gjenden pranë njëri – tjetrit.

Në njoftim shkruhet se përmes Mekanizmit të Mbrojtjes Civile të Bashkimit Europian, një tjetër sasi pajisjesh mjekësore mbërriti në Rezervat e Shtetit, këtë herë kontribut i qeverisë austriake më konkretisht 2000 pako me doreza mjekësore dhe 3740 litra dezinfektant mjekësor.

“Mirënjohje e falënderim çdo vendi anëtar të këtij Mekanizmi, për solidaritetin dhe frymën pozitive të bashkëpunimit,” shkruan Xhaçka.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.