Austria përfundon karantinën kombëtare – Të pavaksinuarit, ende “të mbyllur”. Detyrimi i vaksinave, në horizont

Austria i ka dhënë fund karantinës kombëtare të koronavirusit ditën e Diel, por ka mbajtur disa kufizime për të pavaksinuarit, ndërkohë që përpiqet t’i japë vrull incentivës më të guximshme në Europë për dozat nxitëse.  Duke nisur nga 12 Dhjetori, refuzuesit e vaksinave mund të dalin nga shtëpia vetëm për të shkuar në punë, ku do të duhet të vërtetojnë një test negativ të koronavirusit çdo 2 ditë, si dhe për blerje të mallrave të nevojshëm dhe për ushtrime fizike.

Hyrja në ambiente të tjera do të ndalohet.  Jeta do të rikthehet në mënyrë të ngadaltë në normalitet për njerëzit që kanë marrë vaksinën, apo janë shëruar së fundmi nga virusi, me rajonet që kanë hartuar një serë zbutjesh të masave. Koncerteet pritet të rinisin, muzeumet dhe rstorantet do hapin përsëri dyert dhe tregjet e Krishtlindjeve do nisin aktivitetin përsëri.  Karantina ka ndihmuar Austrinë që të shkurtojë infeksionet me rreth 30% nga maja e fundit të Nëntorit, por shtrimet në spitale qëndrojnë pranë niveleve që mendohet se rrezikon kapacitetin kombëtar për t’i shërbyer të gjithë pacientëve. Zyrtarët shqetësohen gjithashtu për një valë të re të infeksioneve në Janar, nëse varianti Omicron përhapet shpejtë.

Normaliteti i ri rrezikon të polarizojë më tej vendin që ka një nga normat më të ulëta të vaksinimit në Europën Perëndimore, pavarësisht se niveli është rritur në muajt e fundit. Rreth 72% e austriakëve kanë marrë tashmë të paktën 1 dozë të vaksinës, nga 68% një muaj më parë.  Megjithatë, Austria ndodhet përpara homologëve në dhënien e dozave nxitëse, që mund të jenë kritike për të mbrojtur ndaj varianteve të reja. Kancelari i emëruar së fundmi, Karl Nehammer, po përpiqet të bëjë vaksinat e detyrueshme nga muaji Shkurt.  Kundërshtuesit mund të përballen me gjoba deri në 3,600 euro sipas një projektligji, që mbështetet nga thuajse të gjithë grupet parlamentare, përveç partisë së djathtë, që ka organizuar një serë protestash në Vienë. Pavarësisht se jo kaq ashpër sa Austria, shumë vende europiane kanë detyruar vaksinimin për disa profesione të caktuara, përfshirë mjekë, mësues dhe punonjës publikë.  Greqia po i kthen në të detyrueshme për këdo në moshë 60-vjeç e sipër.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.