Automjetet pa shoferë, zbatimi shumë më larg nga sa mendonim – Ja problemet që pengojnë zhvillimin
Nëse mendojmë për të ardhmen e afërt të automjeteve, gjithmonë përfytyrojmë makinat me bateri elektrike dhe makinat që vetëdrejtohen. Teksa e para ka nisur të bëhet një realitet, edhe falë nxitjeve që bëjnë shtetet si Kina për të adoptuar teknologjinë që nuk ndot, përdorimi masiv i automjeteve pa shofer duket ende një utopi.
Pas aksidentit ku një makinë Uber vrau një këmbësor me biçikletë, i cili po kalonte rrugën në Arizona, raporti tregoi se programi kompjuterik e kishte identifikuar atë si një sinjal negativ dhe kishte vendosur për të mos ndalur makinën.
Për shkak se është një makinë dhe jo një algoritëm që përpiqet të dallojë mes maceve dhe gjirafave, asaj i vendoset një kufi ndjeshmërie ndaj pengesave në rrugë. Nëse e vendos shumë të ulët, atëherë makina do të ndalet për shumë identifikime të gabuara, si hije apo qese plastike. Ndërsa nëse e vendos shumë të lartë, atëherë ndodh që vret këmbësorët.
Sipas Christian Wolmar, autorit të librit “Makinat pa shofer: Drejt rrugës për askund”, beson se këto automjete nuk do të mbushin rrugët tona as deri në vitin 2020. Sipas tij, lajmërimet e industrisë së automjeteve dhe medias janë tejet optimiste dhe nuk përmbajnë fare skepticizëm.
Pavarësisht investimeve miliarda dollarëshe nga prodhues automjetesh dhe kompani teknologjike, sot makinat që vetëdrejtohen janë më shumë mit se sa realitet. Sipas të dhënave, për automjetet Uber nevojitet dora e njeriut të paktën një herë çdo 1.2 kilometra.
Një tjetër gjë që entuziastët e kësaj teknologjia anashkalojnë sipas Wolmar është fakti se ajo kërkon edhe ndryshime në infrastrukturë. Bora, stuhitë e erës dhe përmbytjet fshehin vijat e rrugës, tek të cilat makinat mbështeten për të udhëtuar. Gjatë orareve të ngjeshura, njerëzit kalojnë shpesh nëpër rrugë. Punimet gjithashtu fshehin sinjalistikën dhe ndryshojnë terrenin. Njerëzit dinë t’i përgjigjen shenjave me dorë të policit, por a di çfarë të bëjë një automjet pa shofer?
Një tjetër arsye pse suksesi i kësaj teknologjie mund të jetë më i largët është fakti se shumë njerëz kanë dëshirë të ngasin vetë automjetin. Ndërsa sa i takon zbatimit në jetën reale, parashikimit se makinat do të çojnë vetë në punë dhe marrin nga puna njerëzit nënkupton më shumë trafik.
A.H./SCAN
Shqiponja 360 Urban – Koncepti i transportit
Koncepti i kompanisë 'Goodyear" për transportin e së ardhmes, ku si bërthamë është koncepti i saj i gomës sferike inteligjente
Posted by RADIO TELEVIZIONI SCAN on Tuesday, March 7, 2017
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.