Avokatura e Shtetit bën bilancin e 2016 dhe evidenton rekordin historik: Vlera e çështjeve të gjykuara rreth 1 MLD USD, fituam 93% të tyre
Avokatura e Shtetit ka bërë publik disa detaje të raportit të punës të vitit 2015, duke evidentuar se ka arritur rekord historik të çështjeve të fituara. Vlera totale e çështjeve që janë diskutuar në gjykime brenda vendit, sipas Avokaturës së Shtetit, është afërsisht 1 miliard dollarë apo 120 miliard lekë. 93% e çështjeve rezulton se janë fituar nga Avokatët e Shtetit në gjykatat kombëtare.
“Në një këndvështrim krahasimor, në analizën e vitit 2013 rezultonte se vetëm 30% e çështjeve të fituara në vlerë ishin në favor të shtetit. Kjo përqindje e çështjeve të fituara ka ardhur në rritje në vitet në vijim duke arritur sot në rezultatin rekord prej 93%” shkruhet në adresën zyrtare të Avokaturës së Shtetit në rrjetin social “Facebook”. Sa i takon sipërfaqes së tokës në diskutim në gjykata shqiptare, Avokatura njofton se në gjykime në të gjitha nivelet janë diskutuar gjithsej rreth 66 mijë dynym tokë nga të cilat 81 % janë fituar nga shteti shqiptar (më shumë se 53 mijë dynymë)
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.