Axhenda e Kuvendit – 2 projektvendimet që pritet të votohen ditën e hënë

Kryetari i Kuvendit, Gramoz Ruçi, ka miratuar rendin e ditës për seancën parlamentare që do të mbahet ditën e hënë, gjatë së cilës pritet të diskutohen 2 projektligje, 1 projektvendim si dhe do të votohen 2 projektvendime.

Ndër projektligjet më të rëndësishme pritet të diskutohet ai për “Për vlerësimin kalimtar të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme .”

Po ashtu, deputetët e Kuvendit do të zhvillojnë diskutime edhe mbi ratifikimin e Traktatit që themelon Komunitetin e Transportit.

Në rend dite në sallën e Kuvendit do të jetë edhe diskutimi mbi miratimin e Kodit të Sjelljes së Deputetëve të Kuvendit.

Ndërkohë, pritet që deputetët të votojnë projektvendimin për emërimin e anëtarëve të Bordit të Studimeve për Krimet dhe pasojat e komunizmit në Shqipëri si dhe atë për propozimin Kuvendit të kandidatëve për kryetar të Komisionit të Prokurimit Publik.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.