Azia, përballë një krize ushqimore- I duhen 800 miliardë dollarë investime në 10 vite për ta zgjidhur!
Kontinenti aziatik nuk është i aftë për të “ushqyer veten” dhe kërkon investime prej 800 miliardë dollarë në 10 vitet e ardhshme për të prodhuar më shumë ushqim dhe të arrijë nevojat e rajonit, sipas një raporti. Popullsia aziatike është rritur dhe konsumatorët po kërkon ushqim më të sigurt, të qëndrueshëm dhe të shëndetshëm. Shpenzimet për ushqim do të dyfishohen nga 5 trilionë dollarë në 2019, në mbi 8 trilionë dollarë në 2030-ën, sipas raportit “Sifda e Ushqimit në Azi”.
Raporti, i përmbledhur nga PWC, Rabobank dhe firma e investimeve në Singapor, Temasek, bën të ditur se nëse ky investim nuk materializohet, industria do të ketë vështirësi në përmbushjen e kërkesë, ç’ka do të sjellë një ushqim më të varfër për popullsinë aziatike. Sipas raportit, Azia varet nga importet e produkteve ushqimore që vijnë nëpërmjet zinxhirëve të gjatë të furnizimit nga Amerika, Europa dhe Afrika. Kjo është bërë e ditur edhe në raportin e Kombeve të Bashkuara për Tregtinë dhe Zhvillimin në vitin 2018. Sipas raportit, vendet në Amerikën Latine, Afrikën Lindore dhe Azinë Jugore, janë eksportues neto të ushqimit, ndërkohë që pjesa tjetër e Azisë dhe Afrikës, janë importues neto. Kjo tregon se Azia varet ndjeshëm nga vende të tjera, për të përmbushur një nga nevojat bazike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.