Balluku në Vorë: ‘Jemi gati për të nisur procesin e rindërtimit pas dëmeve të 26 nëntorit’

Ministrja e Infrastrukturës dhe Energjisë, Belinda Balluku, ka vizituar bashkinë e Vorës së bashku me Ministren e Kulturës Elva Margariti dhe zëvendësministrat Artan Shkreli e Hantin Bonati, sipas njoftimit të publikuar në faqen e saj zyrtare. “Jemi gati për të nisur procesin e rindërtimit, pas dëmeve të shkaktuara nga tërmeti i 26 nëntorit”, u shpreh Balluku.

Sipas Ministres në Vorë, do të ndërtohet një lagje e re, me të gjitha elementet e nevojshëm të infrastrukturës primare, godina komunitare dhe hapësira çlodhëse, do të jetë streha e re për familjet e dëmtuara. “Kemi qenë pranë banorëve që në orët e para të 26 nëntorit dhe do të vijojmë të jemi përkrah tyre deri në kthimin në normalitet të gjithë situatës”, shkruhet në njoftim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.