Banka e Anglisë shqyrton rreziqet e Brexit për kreditimin dhe pastrimin e bankave të BE-së në Mbretërinë e Bashkuar

Banka e Anglisë ka njoftuar sot se Brexit paraqet rreziqe për aftësinë e kompanive britanike për të marrë hua nga bankat e evropiane dhe për disa aktivitete pastrimi që mund të zhvendosen nga Londra, pasi Britania të largohet nga BE.

Ndërkohë, në një takim të mbajtur me 20 shtator të këtij viti, Komiteti i Politikave Financiare të BOE- së tha se bankat nga blloku dhe vendet e tjera të lidhura përbënin rreth 10 për qind të huadhënies për kompanitë britanike.

“Rreziku u ndërprerjes së shërbimeve bankare me shumicë në Mbretërinë e Bashkuar është më i lartë nga sa ishte menduar më parë, duke qenë se një numër i firmave të EEA (Zona Ekonomike Evropiane) që u degëzuan në Britaninë e Madhe nuk ishin shumë të përqëndruara te kjo çështje”, tha Komiteti i Politikave Financiare të BOE-së  (FPC- Financial Policy Committee).

Gjithashtu shtoi se ka një “rrezik të konsiderueshëm” të përçarjes në operacionet e pastrimit ndërkufitar në shërbimet financiare, siç janë derivatet e përdorura nga kompanitë për të mbrojtur veten kundër luhatjeve të mundshme të tregut financiar.

Poashtu, po shqyrtohen edhe disa opsione të paparashikuara duke përfshirë potencialin për të zhvendosur disa aktivtete të pastrimit nga Britania e Madhe ne mënyrë që të vazhdojnë të ofrojnë shërbime për klientët e BE-së. Por ky opsion nuk ishte i disponueshëm në segmentet e tregut, ku kompleksiteti dhe kostoja e çdo migrimi është e rëndësishme.

Në procesverbalin e publikuar sot, Komiteti i Politikave Financiare të BOE-së tha se mbështetja në standartin e tanishëm të normës së interesit Libor (London Interbank Offered Rate ) krijoi rrezik stabiliteti financiar. Zvvendësimi i Libor do të hyjë në fuqi pas vitit 2021.

Genta Dobra/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.