Banka e Anglisë ul interesat – Lëvizja e parë emergjente që prej 2008. Qeveria, me plan të shpenzimeve
Banka e Anglisë uli normat e interesit me gjysmë pikë përqindjeje gjatë Javës dhe lajmëroi mbështetje në huadhënie, pak orë përpara prezantimit të një buxheti për të larguar recesionin, si pasojë e koronavirusit. Në një program të stimujve të koordinuar, Banka e Anglisë lajmëroi uljen e interesave në mënyrë unanime, përpara se qeveria të caktonte planin e shpenzimeve. Lëvizja e fundit e Mark Carney, që çoi normën bazë të interesit në një nivel rekord të ulët prej 0.25%, vjen ndërkohë që Covid-19 po përhapet shpejtë, duke rritur shqetësimet e një recesioni botëror.
“Roli i bankës së Anglisë është të ndihmojë bizneset dhe familjet që të kalojnë tronditjen ekonomike, që mund të jetë e madhe, por e përkohshme. Për rrjedhojë, banka po lajmëron një paketë të koordinuar të masave për të mbështetur familjet dhe bizneset të përballojnë ndërprerjet e Covid-19”, është shprehur Mark Carney, Guvernatori i Bankës së Anglisë.
Carney shtoi se banka veproi pasi pa një rënie të madhe të kushteve të tregtisë, veçanërisht në sektorin me pakicë. Carney tha se nuk ka arsye që koronavirusi të shkaktojë një përsëritje të krizës financiare të 2008-s. Lëvizja e bankës ndjek të njëjtin veprim nga Rezerva Federale javën e kaluar dhe ishte i pari emergjencë për Bankën e Anglisë që prej vitit 2008.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.