Banka e Italisë bën bilancin – Ekonomia u rrit nën objektivin e qeverisë dhe pritet të ngadalësohet

Ekonomia italiane u rrit me një normë prej 1.4% gjatë vitit të kaluar ndërkohë që gjatë këtij viti zgjerimi projektohet të mbetet i qendrueshëm, përpara se të ngadalësohet në 1.2% në dy vitet e ardhshme, deklaroi së fundmi Banka Qendrore e vendit. Vlerësimet paraprake për ecurinë e ekonomisë gjatë vitit të kaluar ndërkohë duket se janë lehtë nën objektivin e qeverisë italiane, që flet për një normë pranë 1.5%.

Gjatë tremujorit të fundit të vitit të kaluar, ekonomia e tretë më e madhe e Eurozonë u rrit me një hap prej 0.4%, duke ruajtur të njëjtin ritëm me tremujorin paraardhës. Gjatë së ardhmes së afërt, ekonomia italiane pritet të udhëhiqet kryesisht nga kërkesa e brendshme, thotë Banka Qendrore e vendit. Deficiti buxhetor gjatë vitit të kaluar ndërkohë u regjistrua nën nivelin e 2016, në 2.5%.

Banka nuk e ka të qartë se kur do të arrihet objektivi i qeverisë për një normë pranë 2.1%. Ndërkohë vlerëson se, gjatë vitit të kaluar, norma e borxhit publik në raport me PBB ra në krahasim me 2016, por nuk dha shifra.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.