Banka e Japonisë, në gatishmëri, Kuroda: Stimuj të rinj nëse rrezikohet arritja e objektivit

Guvernatori i Bankës së Japonisë, Haruhiko Kuroda, tha se banka qendrore do të lehtësojë politikat mëtej, nëse kërcënohet vrulli i inflacionit drejt objektivit prej 2%.

Gjatë një takimi vjetor me grupet më të mëdha të lobimit në Japoni, Kuroda ofroi gjithashtu një perspektivë pak më pozitive për ekonominë botërore, duke shtuar pritshmëritë për tregjet se institucioni nuk do të nxitojë.

Guvernatori i bëri komentet një javë pasi banka qendrore mbajti normën bazë të interesit të pandryshuar në -0.1% dhe drejtoi yield-in 10-vjeccar drejt 0%-shi. Stabilizimi i tregjeve financiarë dhe disa shenja se ngadalësimi i ekonomisë botërore po zbehet, kanë rritur pritshmëritë se bankat qendrore në botë do të shmangin lehtësimin monetar për mometin.

Megjithatë,  dekada të printimit të parasë në Japoni kanë dështuar të rrisin inflacionin drejt objektivit prej 2%, duke e detyruar vendin që të mbajë norma super të ulëta të interesit, pavarësisht dëmit që po shkaktojnë te fitimet e bankave.

Ekonomia e tretë më e madhe në botë u rrit me një normë vjetore prej 1.8% në Korrik-Shtator, për shkak të kërkesës së fortë brenda vendit.

Megjithatë, ekonomistët presin një tkurrje në tremujorin aktual, prej rritjes së taksës së shitjeve në Tetor, që do ndikojë te shpenzimet konsumatore.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.