Banka Qendrore Europiane miraton 750 miliardë euro fonde, për të luftuar krizën financiare të shkaktuar nga Koronavirusi
Banka Qendrore Europiane njoftoi sot një program të ri të madh që synon ndihmojë të funksionojë sistemin financiar të rajonit dhe të ndihmojë ekonominë të përballet me pandeminë. Banka qendrore tha se do të shpenzojë 750 miliardë euro për të blerë borxhin e qeverisë dhe tituj privat para fundit të vitit 2020, dhe se ajo ështëe gatshme të bëjë edhe më shumë nëse është e nevojshme.
“Këshilli Drejtues është plotësisht i përgatitur të rrisë madhësinë e programeve të tij të blerjes së pasurive dhe të rregullojë përbërjen e tyre, aq sa është e nevojshme dhe për aq kohë sa të jetë e nevojshme,” tha BQE në një deklaratë.
Cfarë do të bëjë programi: Kjo rritje masive në bilancin e bankës qendrore, e njohur si lehtësim sasior, është krijuar për të mbajtur likuid sistemin financiar kur investitorët po vrapojnë të frikësuar.
Banka qendrore e Europës “do të eksplorojë të gjitha opsionet dhe të gjitha rreziqet për të mbështetur ekonominë përmes këtijsaj tronditjeje”, thaBQE në një deklaratë.
Tregjet janë duke rënë ndjeshëm: Aksionet globale janë zhytur thellë në një treg ariu (bear), dhe bankat qendrore në të gjithë botën janë duke u përfshirë në plane stimuluese emergjente për të forcuar ekonomitë dhe tregjet e tyre përballë një recesioni potencialisht katastrofik në mbarë botën.
Pjesë të mëdha të Europës janë nën bllokim ndërsa virusi përshkon rajonin. Industri të tilla si ajo e makinave dhe aviacioni janë mbyllur pothuajse plotësisht, ndërsa shumë dyqane, bare, restorante dhe vende të tjera publike janë detyruar të mbyllen. (CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.