Banka sllovene, interes për tregun shqiptar, kreu i NLB: Shqipëria është hapi ynë i radhës, do të ndodhë brenda dy viteve
Një tjetër bankë e huaj ka shprehur haptazi interesin për t`u futur në tregun shqiptar së shpejti. Bëhet fjalë për bankën sllovene NLB, e cila gjendet në cdo vend të rajonit, me përjashtim të Kroacisë dhe Shqipërisë. NLB ka një degë të sajën edhe në Prishtinë.
Në një intervistë të dhënë për ‘Euromoney’, Braz Bodnjak, kreu ekzekutiv i bankës sllovene tha se një lëvizje e bankës për të hyrë në tregun shqiptar mund të vijë gjatë dy viteve në vijim. Ai shprehet se, tregu shqiptar është disi kompleks. “Ne po punojmë me popullatën shqptare në Kosovë dhe Maqedoninë e Veriut. Shqipëria është hapi logjik i radhës për ne”, nënvizon numri një i bankës sllovene.
Interesi i bankës sllovene për t`u futur në tregun bankar shqiptar, si dhe për t`u zgjeruar në tej në tregun financiar rajonal, vjen në një kohë që ky treg është konsoliduar ndjeshëm gjatë viteve të fundit, me disa banka, kryesisht perëndimore të cila janë larguar nga rajoni, dhe nga Shqipëria, në kuadër të një plani më të gjerë për t`u përqëndruar në më pak shtete.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.