Bankat e mëdha të Europës mposhtin parashikimet, rrisin fitimet
Drejtuesit kryesorë të Barclays dhe Deutsche Bank kanë bërë një kontroll të detajuar në bankat e tyre. Njëra bankë tashmë po i merr efektet pozitive dhe tjetra mund t’i marrë së shpejti. Pas vitesh ulje ngritje, zvogëlimeve te bankave të tyre të investimeve dhe pagimit të çmimit për sjelljen e keqe të korporatave, të dyja bankat e mëdha po ri kthehen në biznes – dhe fitimet e tyre po tejkalojnë parashikimet.
Barclays (BCS) ka bërë përparimin më të madh. CEO, Jes Staley tha se një tremujor i tretë i fortë në bankat e korporatave dhe investimeve tregoi se programi ristrukturimit vitin e kaluar po funksiononte. “Jam i kënaqur të raportoj një tremujor tjetër që tregon se jemi në rrugën e duhur” – tha Staley në një deklaratë. Fitimi para tatimit ishte 1.6 miliardë funte (2 miliardë dollarë), 32% se në të njëjtin tremujor vitin të kaluar. Aksionet në Barclays (BCS) u rritën 2% në Londër.
Drejtori i Përgjithshëm i Deutsche Bank (DB) ishte gjithashtu optimist për përparimin. Por reagimi nga investitorët për fitimet më të fundit të saj, tregon se banka ende ka rrugë për të bërë. Christian Sewing, një veteran i bankave i cili u bë drejtues ekzekutiv në prill, është përpjekur të përshpejtojë një rishikim sipas të cilit Deutsche Bank ka mbyllur qindra degë, ka shkurtuar mijëra vende pune dhe ka shkurtuar në mënyrë agresive shpenzimet. Banka raportoi fitim para taksës prej 506 milionë euro (577 milionë dollarë) në tremujorin e tretë dhe Sewing tha se banka ishte në rrugën e duhur për të prodhuar fitimin e saj të parë vjetor që nga viti 2014.
“Ky rezultat është një tjetër etapë në rrugën tonë për t’u bërë një bankë me përfitim të qëndrueshëm. Shpenzimet tona janë nën kontroll dhe kemi kapital të mjaftueshëm për t’u rritur” – tha ai në një deklaratë.Por Sewing gjithashtu pranoi punën e papërfunduar të përfaqësuar nga një rënie prej 9% në të ardhura. “Ne ende nuk kemi arritur një kthim në drejtim të ardhurave. Prandaj duhet të mbështesim përpjekjet tona për të rritur të ardhurat në të gjithë bizneset tona” – tha ai. Aksionet e Deutsche Bank kanë rënë mbi 3% në Frankfurt.
Mungesa e ndërhyrjeve të çrregullta mund të nxisë një raund tjetër spekulimi mbi bashkimet e mundshme të bankave në Europë. Kanë qarkulluar prej kohësh fjalë se fitimet e dobëta dhe shpenzimet në rritje mund të çojnë në një valë konsolidimi, por marrëveshjet kanë mbetur të paqarta. Rezervat e bankave rajonale janë të lira, duke i bërë ato objektiva tërheqëse. Për shembull, aksionet e Barclays janë ulur rreth 17% deri më tani dhe aksionet e Deutsche Bank kanë rënë 43% gjatë të njëjtës periudhë.
e.t/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.