Bankat qendrore rreth “reve të stuhishme në horizont” për ekonominë!

Pas një periudhe plot tension, tregtarët (dhe reporterët) do të presin me padurim fundjavën e gjatë të Pashkëve, por së pari duhet të kalojnë atë që premton të jetë një e enjte plot ngjarje. Tashmë në Azi, Banka e Koresë e qëndrueshme normalisht bëri një rritje të papritur të normës, pavarësisht se nuk kishte një guvernator në vend dhe paralajmëroi se inflacioni mund të arrijë në 4%, nga parashikimi i saj i shkurtit prej 3.1%.

Ajo gjithashtu uli parashikimet e rritjes ekonomike, pjesë e një modeli ku shumica e bankave qendrore po veprojnë kundër inflacionit, edhe me koston e rritjes. Kanadaja dhe Zelanda e Re të mërkurën dhanë rritje të normës me gjysmë pikë, ndërsa më vonë të enjten, Banka Qendrore Europiane mund të përcaktojë një datë për t’i dhënë fund blerjeve të bonove, edhe pse çmimet e larta të energjisë kërcënojnë recesionin.

Pavarësisht nga të dhënat që tregojnë për rritje të inflacionit, yield-et e obligacioneve kanë rënë në ditët e fundit nga frika se beteja e inflacionit të bankave qendrore do t’i tërheqë ekonomitë në një ngadalësim, apo edhe recesion. Tregjet u nervozuan nga mesazhi zhgënjyes i të mërkurës nga CEO i JPMorgan, Jamie Dimon, rreth “reve të stuhishme në horizont” për ekonominë. Banka e tij gjithashtu postoi një rënie të fitimit prej 42% në tremujorin e parë.

Por nëse kërkoni të shihni se ku janë fitimet mund të analizoni prodhuesin më të madh të çipave në botë, Taiwan Semiconductor i cili postoi një rritje prej 45% në fitimin neto të tremujorit të parë, duke përfituar nga kriza globale e çipave. Ndërkohë, rënia e yield-eve të thesarit po rrit tregjet e aksioneve ndërsa aksionet europiane dhe amerikane duket se do të ndjekin Azinë më lart. RTS

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.