Barazia gjinore në Shqipëri – Progres i ngadaltë drejt objektivit të OKB
8 Marsi përkujtohet çdo vit në anë të ndryshme të globit si lufta e femrave për të drejtat e tyre. Sot, barazia gjinore vijon të jetë një objektiv i parealizuar, aq sa është përfshirë në 17 objektivat drejt zhvillimit të qëndrueshëm të Kombeve të Bashkuara.
Këto objektiva janë ndërmarrë në vitin 2015 dhe duhen realizuar brenda 2030-ës. Çdo vit ndërkohë bëhet një vlerësim i progresit të secilit vend në secilën prej objektivave. Po Shqipëria sa progres ka bërë realisht në drejtim të barazisë gjinore?
Sipas indeksit SDG, Shqipëria nuk ka një progres për t`u mburrur në këtë drejtim. Me një pikëzim në 52.6 pikë në këtë indikator, vendi ynë performon më keq se Serbia dhe Maqedonia por më mirë se Bosnje Hercegovina dhe Mali i Zi.
Paçka se, në krahasim me vendet e tjera europiane progresi është më i ngadaltë në vendin tonë, pak më shumë se gjysma e punës është bërë drejt objektivit të 2030-ës, gjë që duket shpresëdhënëse.
Raporte të tjera tregojnë se, ka ende shumë punë për t`u bërë në drejt të barazisë në paga por sidomos në drejtim të mentalitetit, që ka penguar vazhdimisht progresin e femrave në vendin tonë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.