Bardhi Sejdarasi në ‘Argument’: ”Ndodhemi në një ngërc ekonomik sepse nuk ka investime”

I ftuar në ‘Argument’ për të diskutuar rreth krizës politike, parë nëpërmjet këndvështrimit të akademikëve, pjesë e panelit ishte dhe akademiku Bardhi Sejdarasi. Ai u shpreh se në Shqipëri po ndodhin masivisht anullime të rezervimeve, që individë të huaj kanë bërë në vendin tonë, dhe sipas tij pikërisht ky element, tregon qartazi ndikimin që ka kjo krizë politike tek biznesi dhe sa shumë e cënon atë.

‘’Kur kemi zgjedhje zgjedhore kemi mpirje të administratës, duke patur ndikim dhe tek institucionet të cilat ndikojnë automatikisht në klimën e biznesit. Nga statistikat shohim se kemi më pak të ardhura se vitet e mëparshme, pasi ndodhemi në një ngërc të madh të ekonomisë, pikërisht sepse nuk ka investime”

Përsa i përket protestave të zhvilluara kohët e fundit, Sejdarasi shprehet se nuk i mbështet aspak ato, pasi nuk po zhvillohen për një kauzë të mirëfilltë. Ai theksoi se do të ishte pjesë e tyre, nëse do të organizoheshin për të ngritur zërin rreth rritjes së rrogës minimale, mbështetjes së bujqësisë, apo shtimin e punësimit.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.