Barnier paralajmëron Britaninë – “Pasoja të mëdha nëse do të ketë Brexit pa marrrëveshje”
Krye negociatori i Bashkimit Europian për Brexit, Michel Barnier paralajmëroi se Mbretëria e Bashkuar do të përballet me pasoja të mëdha, në skenarin e një dalje pa marrëveshje nga unioni. Ndërkohë që mbante në dorë dokumentin e Brexit, Barnier tha se çdo pasigurie që ka të bëjë me daljen e Britanisë nga Bashkimi Europian duhet ti jepet një përgjigje ligjore. “Për këtë arsye, ky dokument është rruga e vetme për të dalë nga Bashkimi Europian në mënyrë të rregullt”, tha Barnier. I pyetur nga gazetarët nëse Britania thjesht del nga unioni, duke e grisur këtë dokument, Barnier tha: “Mbretëria e Bashkuar duhet të përballet me pasojat”.
Në anën tjetër, sekretari i Jashtëm, Jeremy Hunt, njëkohësisht kandidat për tu bërë kryetar i Partisë Konservatore tha në një intervistë për Radio BBC se europianët duhet të jenë racionalë ndaj gabimeve që janë bërë gjatë negociatave të Brexit. “Mendoj se Mbretëria e Bashkuar ka bërë gabim që ka besuar se europianët do të jenë racionalë ekonomikisht. Por e vërteta është se nuk janë. Ata e kanë menduar Brexit si një çështje politike dhe kanë menduar për të ardhmen politike të Europës. Nëse do të kishim një Brexit pa marrëveshje, njëkohësisht do të kishim fqinjë që europianë që kanë zgjedhur me dashje ta bëjnë Britaninë më të varfër”, deklaroi Hunt.
Ndërkohë, në fjalimin e fundit të mbajtur si kryeministre e Britanisë, Theresa May kritikoi intolerancën dhe absolutizmin në rritje në politikën botërore. May dënoi “politikën ndarëse” dhe tha se “disa po humbasin aftësinë për të mos u pajtuar pa dëmtuar pikëpamjet e të tjerëve”.
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.