Basha fton qytetarët në protestë – “Objektivat e PD, punësimi dhe anëtarësimi në BE”

Kreu i Partisë Demokratike Lulzim Basha është ndalur në qytetin e Lezhës ku ftoi qytetarët të bëhen pjesë e protestës së 16 shkurtit.

Basha ka përsëritur objektivat e PD kur të vij në pushtet, e para punësimi dhe mirëqenia e shqiptarëve dhe e dyta ajo për futjen e Shqipërisë në BE.

Kreu i Partisë Demokratike është ndalur edhe te biznesi i vogël duke bashkëbiseduar me tregtarët mbi vështirësitë që ata po hasin.

Basha i prezantoi planin ekonomik i cili do të zbatohet sapo PD të vij në pushtet dhe që sipas tij do të nxjerr vendin nga kriza.

Kreu i PD u ndal edhe në Shëngjin dhe në Laç ku u takua me qytetar dhe peshkatar të zonës.

Basha u premtoi atyre se me të ardhur në pushtet situata do të përmirësohet falë planit ekonomik të PD.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.