Basha i paraqet qeverisë planin e thjeshtë me 5 pika: “Ndalni dimrin ekonomik në Durrës”
Kryetari i Partisë Demokratike Lulzim Basha nëpërmjet një statusi në rrjete sociale i ka kujtuar qeverisë 5 pikat e thjeshta ekonomike që mund të ndërmerren në këto kohë emergjencash pas tërmetit shkatërrues të 26 nëntorit.
Sipas kreut të PD-së, Durrësi që ka edhe një peshë kryesore në turizmin e vendit duhet patjetër ndihmuar në këto kohë krize për të mos lejuar vendosjen e aktivitetit në një “dimër ekonomik”.
Masat e propozuara nga z.Basha përfshijnë në pjesën më të madhe lehtësimin nga taksat për operatorët ekonomikë në këtë qark dhe të gjithë investitorët që do ndihmojnë me rikuperimin e dëmeve:
“Tërmeti i 26 nëntorit ka shkaktuar dëme të mëdha në ekonominë e Durrësit dhe zonave të tjera. Mijëra vende pune, biznesi i vogël dhe ekonomia prodhuese janë nën presion. Njësitë e hoteleri-turizmit përballen me rënie konsumi dhe i tremben reduktimit apo anulimit të prenotimeve. Për të ndalur futjen e Durrësit në një “dimër ekonomik” me pasoja të rënda sociale që do të vinin nga reduktimi i numrit të të punësuarve, ulja e pagave të punonjësve dhe mbyllja e bizneseve, për të mundësuar një rigjenerim të ekonomisë prodhuese, shërbimeve dhe biznesit të vogël në zonat e dëmtuara, propozojmë këtë paketë të thjeshtë dhe realiste.” shkruan Basha.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.