Basha mbështet të rinjtë sipërmarrës: “Do krijojmë lehtësira ekonomike, përfshirë ata të rinj që kthehen nga jashtë”
Basha mbështet të rinjt sipërmarrës
“Do krijojmë lehtësira ekonomike, përfshirë ata të rinj që kthehen nga jashtë”
Të rinjtë të cilët duan të përfshihen në sipërmarrje do të mbështeten nga ana ekonomike nga qeveria. Kreu i PD, Lulzim Basha gjatë një takimi me të rinjt e rikthyer në vend, u zotua se me ardhjen në pushtet situata ekonomike dhe politike do të ndryshojë .
Kreu i Partisë Demokratike, Lulzim Basha premtoj lehtësira ekonomike për ata të rinj të cilët duan të përfshihen në biznes, kryesisht të rinjtë që kthehen nga jashtë për të kontribuar në vend. Në një takim me studentët e rikthyer ne Shqipëri pas studimeve jashtë, Basha u shpreh se do të punohet për ta bërë Shqipërinë sa më konkurruese brenda dhe jashtë kufijve.
Basha akuzoi qeverinë për shkatërrim të ekonomisë nëpërmjet monopolizimit, duke nënvizuar se është një ndër problemet kryesore
Të rinjtë treguan për vështirësitë që po hasin duke kërkuar më shumë mundësi që të përfshihen në treg
Basha përsëriti nevojën për ndryshim si domosdoshmëri për progresin e vendit duke premtuar masa të cilat do të ndikojnë në rritjen ekonomike gjë e cila sipas Bashës do të reflektoj në rritjen e pagës minimale deri në 400 euro në fund të mandatit të parë .
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.