Basha, në krah të pensionistëve. Kreu i PD premton dalje nga kriza ekonomike dhe shëndetësore
Kreu i Partisë Demokratike Lulzim Basha ka zhvilluar një takim me pensionistët duke u njohur më nga afër me shqetësimet e tyre në këtë situatë pandemie. Basha premtoi se me ardhjen në pushtet kjo shtresë do të mbështetet, duke përsëritur masat e rekomanduara nga ekspertët e kësaj force politike ,që sipas tij do të ndihmojnë në daljen e vendit nga kriza shëndetësore dhe ekonomike.
“Kemi 6 muaj që i kërkojmë qeverisë paratë të mos ja dërgojë miqve të Edi Ramës por t’ja çojë shëndetësisë të blejë tamponë, t’i përdorë për spitale që janë përmbushur plot e përplot, ti përdorë për mjekët që janë rraskapitur. Këto janë çështje akute që kanë të bëjnë me shëndetin dhe jetën e njerëzve, çdo gjë tjetër është sekondare. Ne do ti fitojmë zgjedhjet dhe do ta shërojmë Shqipërinë.”
Basha akuzoi kryeministrin se nuk po bënë asgjë për tu ardhur në ndihmë qytetarëve por vetëm sulmon opozitën.
“Gjithë ditën rri në Instagram, poston në Facebook, poston fotografi, sulme politike dhe ja ku jemi. Është komplet faji dhe përgjegjësia e tij që numri i vdekjeve po shton dita-ditës. Pandemia po bën të vetën po edhe qeveria duhet të bëjë të vetën, numri i infektimeve mbahet në kontroll dhe në këtë mënyrë ne kufizojmë fatalitetet që shkakton pandemia.”
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.