Basha për NATO-n – “Mburojë për sistemin tonë të vlerave”
NATO është më shumë se kurrë një domosdoshmëri për sigurinë dhe vlerat demokratike të vendeve anëtare. Gjatë fjalimit në një konferencën e organizuar nga instituti amerikan Hudson, kryetari i Partisë Demokratike të Shqipërisë, Lulzim Basha, tha se NATO nuk është vetëm një mburojë për rreziqet ushtarake, por edhe për rreziqet e tjera, që nga krimi i organizuar e deri tek kapja e shtetit dhe propaganda dizinformuese. Ai vendosi gjithashtu theksin tek depërtimi ekonomik i vendeve si Kina apo Rusia, me qëllim forcimin e influencës së tyre politike në rajonin e Ballkanit.
“Ka kercenime te qarta ushtarake ne dyert tona, por, ka edhe kercenime te tjera, si ekstremizmi i dhunshem, sulmet kibernetike, krimi i organizuar, pastrimi i parave, dizinformimi, etj. Ato synojne te shkaterrojne sistemin tone te vlerave. Ato e dobesojne shoqerine, duke minuar demokracine, shtetin ligjor dhe besimin e publikut, ndaj NATO mund te jete nje kontribues thelbesor per demokracine dhe vlerat demokratike perendimore. Është e nevojshme të balancohen nderhyrjet ekonomike, vecanerisht në rajonin e Ballkanit. Vende si Kina dhe Rusia po investojnë në biznese per te rritur influencen e tyre politike permes depertimit ekonomik”, tha Basha.
Zoti Basha tha se vendet anëtare, përfshi ato të Ballkanit Perëndimor, duhet të tregojnë më shumë angazhim ndaj NATO-s, duke filluar nga përmbushja e kriterit themelor të kontributit financiar. Ai mbështeti nismën e administratës amerikane, që kërkon nga të gjitha vendet respektimin e kuotës prej 2% të Prodhimit Kombëtar si kontribut për aleancën atlantike.
Ersuin Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.