Basha propozon plan masash ekonomike: “Qeveria të blejë paisjet dhe të rrisë fondet”
Kreu i Partisë Demokratike Lulzim Basha ka bërë thirrje kundrejt qeverisë se një situatë e tillë, ku infeksioni i koronavirusit ka ardhur edhe në vendin tonë kërkon një plan të detajuar masash ekonomike dhe profesionale për të përballuar situatën.
Thirrja e tij e parë ndaj qeverisë është që të mos vazhdojë sulmet ndaj opozitës, por të fokusohet ndaj shtimit të fondeve dhe sigurimin e paisjeve të duuhura për personelin mjekësor.
“Dua të përsëris thirrjen ndaj qeverisë që të sigurojë pajisjen dhe aparaturat për mjekët dhe stafet. Nëse nuk arrijmë ti mbrojmë, si mund të mbrojmë njerëzit, nëse të parët që goditen janë mjekët?!” – u shpreh kryetari I PD.
Gjithashtu kryedemokrati u shpreh se pas një konsulte me grupin ekonomik të PD-së dhe aleatëve me qëllim edhe mbrojtjen e bizneseve propozon një sërë plani masash për të përballuar këtë krizë shëndetësore:
–pezullimin dhe fshirjen e faturave të ujit në zonat ku virusi është shfaqur
-të ndalohet shkëputja e ujit dhe dritave deri në tejkalimin e gjendjes
-të pezullohen kontributeve shëndetësore për 3 muaj
-Përjashtimi nga tatim fitimi për të gjitha subjektet ku është shfaqur virusi, 2 muaj kosto të pagave të punonjësve
-Përjashtim nga taksa e pronës për tre muaj
-Përjashtim nga kamatëvonesat dhe gjobat për 3 muaj
-Mbështetje për sektorin e turizmit, fason apo call center
-Kërkojmë rishikimin e buxhetit për përballimin e kostove të të sëmurëve
-Alokimin e fondeve për testimin e personave të prekur
-Rritjen e fondeve për shërbimet sociale
-I bëj thirrje sistemit bankar të riskedulojë këstet e kredive për rrethanat nga kriza.
-Propozimet të studiohen me përparësi, nuk kam asnjë merak, le ta marrë meritën si për prindin që të rrijë në shtëpi. Nuk ka rëndësi nuk i propozoi i pari, e rëndësishme është ti thërrasin mendjes. Mos rrijë në twitter, por të bëjnë punën sikur duhet dhe jo të merren me opozitën” tha Basha.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.