Basha, takim me bizneset në njësinë Nr.4 – “Paketë mbështetëse ANTI-COVID, do të nxitet konsumi familjar”
Kryedemokrati Lulzim Basha ka zhvilluar një takim me qytetarët dhe bizneset e njësisë nr. 4 në kryeqytet, ku i ka njohur me planin e tij qeverisës pas zgjedhjeve të 25 prillit. Gjatë takimit, Basha u njoh me vështirësitë që po kalon biznesi, një ndër të cilat rënia e xhiros .
Nga ana tjetër qytetarët shprehen të shqetësuar për situatën ekonomike dhe shpenzimet që u janë dashur të kryejnë, si pasojë e pandemisë, duke kërkuar mbështetje .
Kreu i PD u zotua se pasi të vij në pushtet biznesi i vogёl do tё ketё njё paketё mbёshtetёse ANTI-COVID, ndërkohë që do të ketë tavan për taksat që i paguhen pushtetit vendor. Basha foli më tej për nxitjen e konsumit familjar përmes ndihmës ekonomike .
Basha garantoj po ashtu se nuk do të lejohen më inspektorët të pengojnë punën dhe se biznesi do të jetë i lire në aktivitetin e tij.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.