Basha, takim me biznesin në Shkodër: “PD, ndihmë financiare në biznes dhe shëndetësi për rikuperimin nga kriza”
Kreu i Partisë Demokratike Lulzim Basha ka zhvilluar një takim me biznesin e vogël ne Shkodër ku i ka ka kërkuar qeverisë mbështetjen e tyre me një pakte të tretë ndihme. Basha bëri apel për mënjanimin e ndasive politike dhe marrjen e masave për t’i ardhur në ndihmë biznesit dhe shëndetësisë në këtë kohë krize.
“Një orë më parë sipërmarrja shqiptare dhe në veçanti biznesi vogël të ketë të paktën të njëjtë ndihmë që ka në Kosovë dhe Maqedoninë e Veriut, dy vende fqinje i pari me të sa gjysmën e buxhetit të Shqipërisë. Nëse paratë nuk do shkonin për shpenzime të kota, korruptive dhe nëse do ndërprehej çdo shpenzim tjetër dhe do viheshin në jetë dy prioritete kryesore si jeta dhe shëndeti i njerëzve, dhe ekonomia e familjeve shqiptare nga krahu tjetër nuk kishim pse të ishim në këtë gjendje.”
Kreu demokrat premtoi ndihmë financiare për rikuperimin nga kriza sapo PD te vij në pushtet.
“Një qeveri që investon tek shëndetësia, biznesi, tek sipërmarrja dhe jep ndihmë financiare çdo familje, sepse konsumi është problemi kryesor që ka goditur të gjithë ekonominë dhe ju e ndjeni në çdo aspekt, që tek furra bukës dhe ushqimorja deri te bizneset e tjera dhe për këtë duhet një qeveri që duhet në dispozicion të shëndetit dhe ekonomisë, një e cila të sjellë shpresë.”
Basha u ndal edhe në situatën shëndetësore në vend ku hodhi akuza se po sulmohet e vërteta lidhur me pasojat e pandemisë dhe humbjen e jetëve , ai bëri thirrje qyterëve të zbatojnë masat për ruajtjen e shëndetit.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.