Basha, takime në qytetin e Korçës: “Qytetarët po i paraprijnë ndryshimit duke i dhënë fund vështirësive”
Kryetari i Partisë Demokratike, Lulzim Basha, ka zhvilluar takime në qytetin e Korçës, duke premtuar ndryshimin për situatën aktuale. Sipas Bashës qytetarët tashmë po i paraprijnë këtij ndryshimi duke i dhënë fund vështirësive që kanë hasur gjatë këtyre viteve .
“Një ndryshim rrënjësor që Korça dhe korçarët e presin prej kohësh. Një ndrysim që do tju rikthejë dinjitetin ju simbole të qytetarisë e të krenarisë tonë kombëtare. Ju nuk po e prisni ndryshimin, ju po i prini ndryshimit.”
Basha zhvilloi një takim edhe me të rinjtë e këtij qyteti duke premtuar mbështetje për arsimin dhe punësimin e tyre.
“Ne vijmë këtu me një plan të cilin e kemi hartuar për pothuajse dy vite me radhë me ekspertët më të mirë shqiptarë Ndër ta intelektualë, profesionistë dhe shkencëtarë korçarë që na bëjnë krenarë, por edhe europianë dhe amerikanë. Dy vite punë, mbi 500 ekspertë dhe një plan që do e nxjerrë Shqipërinë tonë të dashur, Korçën tonë të dashur nga kriza në të cilën ndodhet. ”
Kreu i demokratëve kërkoi bashkimin e të gjithë qytetarëve në datë 25 prill, për të sjellë zhvillimin e vendit nëpërmjet programit që ofron Partia Demokratike.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.