Basha vijon takimet në njësinë nr.9: “Synim, përmbushja e angazhimeve sipas planit brenda mandatit të parë qeverisës”
Kreu i PD, Lulzim Basha është ndalur në njësinë nr.9 në Tiranë ku ka takuar qytetarë e biznese. Basha u njoh me shqetësimet kryesore të qytetarëve dhe bizneseve të zonës që ishin kryesisht mbi situatën e vështirë ekonomike.
Lideri demokrat i ka siguruar qytetarët se angazhimet e programit të prezantuar deri më tani do të mbahen brenda mandatit të parë qeverisës. Ndër angazhimet kryesore të programit sipas Bashës janë dhe rritja e pensioneve, ulja e energjisë, rimbursim të ilaçeve sipas diagnozës etj.
“8 vite që ju kanë lënë me një pension në pikatore ndërkohë që çmimet janë rritur. Ne do vendosim një politikë që do e rrisi pensionin minimalisht dyfishin e rritjes së normës së inflacionit dhe jo më pak se 5%. E dyta do ju vendosim fashën e mbrojtjes për energjinë ku çmimi do të ulet për 300KW orë e parë për muaj. E treta, rimbursimi do bëhet sipas diagnozës që most ë nxirrni lekë nga xhepi për të paguar ilaçet. Pra, do marrim masa konkrete për t’ju ardhur në ndihmë sepse e dimë që ke harxhuar gjithë jetën me sakrifica duke na rritur ne dhe nuk keni vendin që meritoni në shoqëri. ” – tha kryetari i PD.
Teksa njohur qytetarët në detaje me programin, Basha garantoi se pas 25 prillit, taksat e tyre nuk do te shkojnë te një grup njerëzish por do të kthehen në shërbimin e qytetareve
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.