Bashkëpunimi Itali-Kinë – Vendet do të nënshkruajnë 10 marrëveshje me vlerë 23 mld USD
Kompanitë kineze dhe italiane do të nënshkruajnë 10 marrëveshje me vlerë 20 miliardë euro (23 miliardë dollarë) gjatë një ceremonie që do të zhvillohet të shtunën me presidentin kinez Xi Jinping.
Ndërkohë, Bloomberg raporton se Xi Jinping dhe kryeministri italian Giuseppe Conte do të nënshkruajnë gjithashtu edhe një memorandum mirëkuptimi duke i dhënë Italisë një rol në projektin infrastrukturor global “Një brez-Një rrugë.”
Ato që do të përfshihen në marrëveshjet e biznesit janë operatori i gazsjellësit ‘Snam SpA,’ kompania inxhinierike ‘Ansaldo Energia SpA’ si dhe bankat kryesore.
Presidenti kinez ka përfshirë qeverinë populiste të Italisë në projektin e tij global. Ndërsa, nga ana tjetër Shtetet e Bashkuara dhe disa partnerë europianë janë të shqetësuar pasi sipas tyre iniciativa sinjalizon një shtytje kineze për dominimin ekonomik.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.