Bashkëpunimi Shqipëri-Kosovë – Mbledhja e dy qeverive në Tiranë, në fokus ecuria e marrëveshjeve
Zbatimi i marrëveshjeve të nënshkruara në mbledhjen e dy Qeverive në Pejë, ka bërë bashkë ministrat e Qeverisë së Kosovës dhe ata të Shqipërisë.
Në takimin e zhvilluar këtë herë në Tiranë, të thirrur nga zëvendëskryeministri i Kosovës, Fatmir Limaj u vu theksi në zbatimin e plotë të marrëveshjeve të arritura deri më tani. Për Limajn, qershori duhet të jetë afati i fundit për implementimin tyre
Zv / kryeministri i Shqipërisë Erion Brace solli në vëmendje marrëveshjet e arritura deri më tani duke u fokusuar te krijimi i zonës së përbashkët ekonomike dhe menaxhimi i kufijve për të cilat kërkoi një angazhim dhe bashkëpunim nga të gjitha palët.
Më pas ministrat e dy kabineteve qeveritare bënë një analizë lidhur me zbatimin e 4 marrëveshjeve të mbledhjes mbajtur në Pejë. pas këtij takimi , ditën e martë pritet të mbahet një tryeze ku do të diskutohet mbi mundësitë dhe sfidat e marrëdhënieve tregtare Kosovë-Shqipëri.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.