Bashkia, investime në fshatra – Veliaj: Brenda 2 viteve, fund problemit të hartave të tokës 

Në 24 muajt e ardhshëm fokusi i investimeve të bashkisë së Tiranës  do të shkojë deri në nivel fshati. Nga Liqeni i Farkës ku vijoi turin e takimeve “Tirana – 2 vjet zgjuar”, kreu i Bashkisë, Erion Veliaj premtoi se brenda dy viteve të ardhshme do të marrë fund problemi i saktësimit të hartave të tokës, duke  u shprehur se ka ardhur koha që secili të marrë  aktin e marrjes së tokës në pronësi.

Veliaj u ndal edhe te transporti publik në ish komunat, duke premtuar  përmirësimin e cilësisë së shërbimeve, ulje të biletës dhe respektim  të orareve.

Duke u ndalur tek investimet, Veliaj deklaroi se Bashkia do të vijojë bashkëpunimin edhe me donatorët për të përmirësuar infrastrukturën.

Nertila Doko/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.