Bashkimi Evropian kundërshton Trump / Nuk e pranojmë vendimin e njëanshëm për anulimin e fluturimeve
Bashkimi Evropian ka dënuar vendimin e Presidentit amerikan Donald Trump për të ndaluar udhëtimet e qytetarëve amerikanë drejt Evropës dhe anasjelltas.
Në një deklaratë të përbashkët, presidenti i Komisionit Evropian, Ursula von der Leyen, dhe presidenti i Këshillit Evropian, Charles Michel, akuzuan Trump se nuk ishte këshilluar me vendet evropiane përpara se të merrte vendimin.
“Koronavirusi është një krizë globale, jo i kufizuar në ndonjë kontinent të veçantë dhe kërkon bashkëpunim më shumë sesa veprim të njëanshëm”, thuhet në deklaratë.
“Bashkimi Evropian nuk e pranon vendimin e SHBA për të ndaluar lëvizjet në mënyrë të njëanshme dhe pa konsultim.” , thuhej më tej në deklaratë.
Dosti Banushi – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.