“Bashkimi i ujësjellësve, probleme për tarifat” – Shani: Do nevojitet një periudhë tranzitore, shoqëritë e reja do licencohen nga e para
Unifikimi i tarifave të ujit, si pasojë e bashkimit të shoqërive krijon probleme, ndaj me gjasë do të duhet një periudhë tranzitore. Teksa, komenton riorganizimin e sektorit, kreu i Entit Rregullator te Ujit, Ndriçim Shani thotë se janë disa akte të tjerë që do të nxirren, për të përcaktuar procedurat sesi do të vijohet.
Shani thotë se shoqëritë e reja që do të krijohen do të duhet të rilicencohen.
Ndërkaq, pavarësisht se vendimi për riorganizimin e shoqërive të ujësjellës-kanalizimeve u miratua në qeveri, ende nuk ka një afat konkret se kur do të nisë bashkimi i kompanive.
Sipas vendimit të qeverisë, në total do të krijohen 15 Subjekte me Kompetenca të Përbashkëta, nga 58 kompani ujësjellësish, që janë aktualisht. Deklarata e Shanit u bënë pas nënshkrimit të një memorandumi bashkëpunimi midis Rregullatorëve të Ujit në Ballkanin Perëndimor.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.