Bashkitë fshehin punën – 60 prej tyre nuk publikojnë kontratat koncesionare

Nga 61 bashki në vend, 54 prej tyre kanë faqe interneti dhe 52 kanë të publikuara programet e transparencës.

Qendra për Çështjet e Informimit Publik, INFOCIP, në Ditën Ndërkombëtare të Informimit, ka publikuar gjetjet e monitorimit të pushtetit vendor gjatë vitit 2018 sa i përket transparencës, ku evidenton se bashkia më e mirë në këtë aspekt ka qenë Korça, e ndjekur nga Shkodra, Gramshi, Kamza, Lezha e Tirana.

Sa i takon publikimit të kontratave koncesionare, 60 bashki i fshehin ato, ndërsa sërish vetëm Korça mbetet bashkia model.

7 bashkitë “ngelëse” sa i përket transparencës me publikun për vitin 2018 janë Cërrik, Has, Këlcyrë, Poliçan, Selenicë, Libohovë dhe Përrenjas.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.