Bashkitë “fshihen” nga qytetarët, Dervishi: 6 muaj afat për transparencën
Nga 1 Janari 2019, të 61 bashkitë në vend kanë pasur si detyrim ligjor që të im implementojnë modelin e ri të programeve të transparencës duke bërë që çdo qytetar që ka nevojë për informacion ta marrë atë përmes internetit pa u detyruar të trokasë në dyert e pushtetit vendor.
Por pavarësisht detyrimit, ende ka shumë institucione të pushtetit vendor që nuk e kanë përmbushur atë.
Komisioneri për të Drejtën e Informimit, Besnik Dervishi, shprehet për SCAN se vendorëve u është lënë një afat 6-mujor për shkak edhe të angazhimit me zgjedhjet lokale.
Në rastet kur pushteti vendor nuk implementon modelin e transparencës, parashikohen sanksionet që përcakton ligji.
Nga një studim i bërë vitin e kaluar, rezultonte se nga 61 bashki në vend, 54 prej tyre kanë faqe interneti dhe 52 kanë të publikuara programet e transparencës.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.