Bashkitë, gati bonuse licencimi për autobuzët elektrikë! Ahmetaj: Pak nga pak do të kthehet në kusht ligjor
Bashkitë e vendit po përgatiten që të aplikojnë një politikë të re që synon zëvëndësimin e autobuzëve me naftë me autobuzë elektrikë për transportit publik. E një fazë e dytë e pritshme është ai i krijimit të kushtit ligjor që ofrimi i transportit publik të bëhet vetëm përmes autobuzëve elektrikë. Këtë e bëri të ditur ministri i Financave Arben Ahmetaj ndërsa prezantohej paketa fiskale në Komisionin e Ekonomisë..
“Bashkitë do të vendosin bonuse licencimi për autobuzët elektrikë dhe pak nga pak do të kthehet në kusht ligjor. Ne po shohim si do të na funksionojë politika e miksuar fiskale me atë ambientale” tha ministri.
Në ndryshimet e këtij viti, Ministria e Financave ka propozuar uljen e TVSH-së për autobuzët elektrikë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.