“Basti kinez” i Aston Martin! – Zgjedh Pekinin për modelin më të ri 189 mijë dollarësh
Aston Martin Lagonda Global Holdings Plc do të prezantojë automjetin e tij të parë të modeleve sportive pikërisht në Pekin gjatë këtij muaji, duke theksuar rëndësinë e Kinës si një treg kryesor për një model për të cilin kompania mendon se do të ndihmojë të rrisë dy herë më shumë shitjet.
Prodhuesi i makinave luksoze, aksionet e të cilit kanë rënë me 78%, 13 muaj më parë, e ka vlerësuar modelin e ri DBX më 189’900 dollarë, duke e vendosur atë midis Urus SUV më të shiturin e Lamborghinit, i cili fillon me 200,000 dollarë, dhe Bentley Bentayga me 165 mijë dollarë.
Aston Martin po mbështetet në DBX për të nxitur kërkesën në tregjet ku individët e pasur kanë tendencë të favorizojnë automjetet të një lloji më ‘agresiv’ për shkak të cilësisë së dobët të rrugëve, në vende të tilla si Kina dhe Rusia. Shitjet e Lamborghinit të Volkswagen AG u rritën 50% vitin e kaluar, me Urusin që zinte gati një të tretën e totalit, ndërsa Ferrari NV planifikon të bashkohet me klubin supercar-SUV me Purosangue-n në 2022.
DBX do të ketë një 4.0 litërsh me dy turbo V8 që prodhon 550 kuaj fuqi, me një shpejtësi të lartë prej mbi 180 mph. Porositë do të mund të realizohen në 20 nëntor, në të njëjtën ditë me eventin e Pekinit.
Kompania, modelet tradicionale sportive të së cilës kanë parë kërkesë të luhatet negativisht kohët e fundit si pasojë e Brexit dhe luftërave të tregtisë globale, synon të rrisë shitjet totale në 14’000 automjete deri në vitin 2023 nga rreth 6440 vitin e kaluar. (Bloomberg)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.