BB, 12 miliard dollarë për vendet në zhvillim – Vaksina kundër covid-19, aprovohet paketa për 11 shtete

Bordi ekzekutiv i Bankës Botërore ka aprovuar një shumë prej 12 miliardë dollarësh për të financuar blerjen dhe shpërndarjen e vaksinës, testeve dhe kurës së covid-19 për vendet në zhvillim. Ky financim synon të mbështesë vaksinimin e 1 miliardë personave, dhe është pjesë e paketës prej 160 mld dollarësh të Bankës Botërore për të mbështetur vendet në zhvillim në luftën kundër pandemisë deri në vitin 2021.

Programi në fjalë po mbështet 111 shtete. Vendet në zhvillim janë prioriteti kryesor i institucionit duke qenë se pjesa më e varfër e globit do ta ketë mjaft të vështirë aksesin te vaksina ndaj covid-10. Paketa e re do të mundësojë gjithashtu financim për asistencë teknike në mënyrë që këto vende të zhvillojnë një strategji për shpërndarjen e vaksinës, në bashkëpunim me partnerët ndërkombëtarë. Në implementimin e programit, Banka Botërore do të mbështesë edhe përpjekjet e Organizatës Botërore të Shëndetësisë si dhe iniciativën e covax, pjesë e së cilës është edhe vendi ynë. Veç vaksinës, mbështetja e Bankës Botërore do të jetë edhe për testet si dhe trajtimet ndaj covid-19. Sistemet shëndetësore të këtyre vendeve do të ndihmohen edhe me kapacitetet magazinuese të vaksinës, personel të trajnuar, etj.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.