BE akuzohet për “hipokrizi” të krizës klimatike pas mbështetjes që i dha 32 projekteve të gazit
BE ka dhënë mbështetjen e saj zyrtare për 32 projekte të mëdha të infrastrukturës së gazit në një masë që kritikët thonë se do ta bllokojnë Evropën në karburantet djegëse fosile për breza me radhë.
Eurodeputetët votuan për të mbështetur propozimin e komisionit evropian me 443 vota kundër 169 të mërkurën, me 36 abstenime, duke provokuar grupet mjedisore për të vajtuar “hipokrizinë” e Brukselit për politikat e ndërmarra më parë rreth urgjencës së klimës mjedisore.
Kostoja totale e infrastrukturës vlerësohet të jetë 29 miliardë €. Sipas programit të financimit të BE-së, deri në 50% të kostove të secilit projekt mund të mbulohen nga taksapaguesit evropianë.
Grupet e aktivizmit mjedisior thanë që firmat e gazit po shijonin frytet e lobimit të rëndë dhe pozitën e favorshme të sektorit brenda institucioneve vendimmarrëse të komisionit.
Një organ këshillues i drejtuar nga industria e gazit i siguron Komisionit Evropian parashikime mbi nevojat e ardhshme të Evropës për energji.
Colin Roche, koordinator i drejtësisë klimatike për Miqtë e Tokës Evropë, tha: “Kjo hipokrizi e klimës duhet të marrë fund. Pas katastrofave të papara si zjarret e Australisë, historia do të duket e padrejtë nga ata që mbështesin sot ndërtimin e më shumë tubacioneve dhe terminaleve të karburantit fosil.
“Një marrëveshje e gjelbër evropiane nuk është e mundur me më shumë lëndë djegëse fosile dhe Evropa duhet të shkojë drejt mos-përdorimit të tyre.”
Komisioneri Evropian për Energji, Kadri Simson, nga Estonia, i kishte kërkuar parlamentit të mbështesë propozimin me arsyetimin se tre të katërtat e 151 projekteve ishin me energji elektrike dhe jo me bazë gazi.
Simson tha që ajo do të sigurojë listën e ardhshme të projektit “pasqyron përparësitë evropiane të marrëveshjes së gjelbër”, në lidhje me qëllimin e BE-së për neutralitetin e emetimit të karbonit deri në vitin 2050. Ajo insistoi që të qenit në listën e re nuk garantonte fonde.(The Guardian)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.