BE dërgon aeroplanë zjarrfikës në Turqi – Rritet numri i viktimave ndërsa janë evakuuar mbi 10 mijë persona nga zonat me rrezik

Bashkimi Europian ka dërguar tre aeroplanë zjarrfikës në Turqi ndërsa vendi po vazhdon të luftojë zjarret që kanë marrë jetën e të paktën tetë personave.

Tre Canadairs nga Kroacia dhe Spanja u mobilizuan të dielën pasi Ankaraja aktivizoi mekanizmin e Mbrojtjes Civile të Bashkimit Europian mbi zjarrin në jug të vendit.

Rusia, Ukraina, Azerbajxhani dhe Irani gjithashtu kanë dërguar bomba uji në Turqi.

Zjarret në Turqi filluan të mërkurën dhe tani kërcënojnë qytetet Antalia, Bodrum dhe Marmaris, ku qindra turistë dhe banorë u evakuuan nga hotelet dhe shtëpitë e tyre të Dielën.

Më shumë se 1,100 njerëz u evakuuan me anije, tha kryebashkiaku i Bodrumit Ahmet Aras të Dielën, pasi rrugët nuk ishin të përdorshme.

Tetë persona janë vrarë nga zjarret dhe një total prej 10,000 janë evakuuar vetëm në provincën Mugla.

Në total, 129 zjarre që shpërthyen në mbi 30 provinca janë shuar. Më shumë se 4,000 zjarrfikës janë vendosur në terren.

“Ne po përjetojmë ditë me temperatura mbi 40 ° C dhe erëra shumë të forta,” tha Ministri turk i Bujqësisë Bekir Pakdemirli në një konferencë shtypi në Milas, një nga qytetet e prekura nga zjarret, të hënën. EN

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.