BE dhe Japonia në “ngërç” – Ka paqartësi, kërkojnë të përjashtohen nga lista e “armiqëve” tregtarë

Bashkimi Europian dhe Japonia kërkojnë që të përjashtohen nga tarfiat më të reja të Shteteve të Bashkuara të Amerikës mbi çelikun dhe aluminin. Madje, Brukseli zyrtar ka deklaruar se do të kundërpëgjigjet në rast se Washingtoni nuk sprapset nga ky plan.

Kundërpërgjigja e Europës mund të jetë vendosja e tarifave mbi importin e jeanseve, whiskeyt, dhe disa produkteve të tjera tipike amerikane. Me vendosjen e tarifave të importit të çelikut në 25% dhe të aluminit në 10% ditën e Premte, Donald Trump përjashtoi Meksikën dhe Kanadanë, por përfshiu të gjitha vendet e tjera të botës.

Gjatë fundjavës ndërkohë do të zhvillohen bisedimet mes dy palëve, për të diskutuar se si do të shkojnë gjërat dhe mundësinë e përjashtimit të Bashkimit Europian nga lista.

Por gjithsesi, për të zgjidhur paqartësitë nuk do të mjaftojë aspak takimi me përfaqësuesin e Washingtonit në Bruskel, por do të duhet dialog i nivelit të lartë.

Nga ana tjetër është Japonia, partneri kryesor tregtar dhe ushtarak i shteteve të bashkuara në Azi, që kërkon të shmangë një luftë tregtare me shtetet e bashkuara.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.